Қазақстандық теннисші Зарина Дияс Куруме (Жапония) қаласында өткен ITF W50 санатындағы турнирде жеңімпаз атанды, деп хабарлайды SportM.kz.
Әлемнің 318-ракеткасы финалда жапониялық, 288-орындағы Аяно Шимицумен бас жүлде үшін таласты. Бірінші партияда қарсыласы 2:0 есебімен алға шыққанымен, Зарина ойынды өз қолына алып, 6:4 есебімен сетті өз пайдасына шешті.
Екінші сетте де Шимицу басымдық танытқанымен (2:0, 3:1), қазақстандық теннисші жауапсыз төрт гейм алып, 6:3 нәтижесімен жеңісті түйіндеді. Финал 1 сағат 24 минутқа созылды.
Осылайша, Зарина Дияс кәсіби мансабындағы кезекті жарыста жеңіс тұғырынан көрінді.
