Ақтөбелік кәсіпкерлер балуандарға сыйақы берді

Биыл Олимпиада мен әлем чемпионатында жеңіспен оралған қазақ балуандарына Ақтөбелік кәсіпкерлер сыйлық берді,деп хабарлайды sportministri.kz тілшісі.

Еркін күрес бойынша бапкер Бауыржан Нұрмахановтың зейнет жасына толуына орай өткен жарыс кезінде Париж Олимпиадасының күміс жүлдегері Демеу Жадраев, әлем чемпиондары Нұрқожа Қайпанов, Ризабек Айтмұқан, күміс жүлдегер Жәмила Бақбергеноваға 1 млн теңгеден табысталды. Нұрқожа Қайпановқа 1 үйір жылқы сыйға берілген.

Ақтөбе қаласының спорт жанашырлары және жанкүйерлерімен кездестік. Жергілікті азаматтар қаржылай сыйақы беріп, ат мінгізді, телефон тарту етті. Қолдау көрсеткен ағаларымызға алғыс білдіремін, — деді күрестен Әлем чемпионатының төрт дүркін жүлдегері Жәмила Бақбергенова.