Шымкентте жасөспірімдер арасындағы Қазақстан чемпионаты аяқталды

Шымкентте облыстардың, сондай-ақ Астана, Алматы және Шымкент қалаларының жасөспірімдер құрамалары арасында футболдан Қазақстан чемпионаты аяқталды.

2010 жылы туған футболшылар қатысқан турнирдің қорытындысы бойынша Астана құрамасы чемпион атанды. Түркістан облысы күміс, Жамбыл облысы қола медаль жеңіп алды.

Турнирлік кесте:

1. Астана
2. Түркістан облысы
3. Жамбыл облысы

Чемпионаттың үздік ойыншылары да анықталды:

• Үздік қақпашы – Аңсар Алайдар (Түркістан)
• Үздік қорғаушы – Әлихан Азанбай (Астана)
• Үздік жартылай қорғаушы – Жігер Аманбек (Алматы облысы)
• Үздік шабуылшы – Әбдіжамал Айтқожа (Түркістан облысы)
• Үздік сұрмерген – Диас Лесбек (Жамбыл облысы)
• Үздік ойыншы – Жасұлан Жалбинов (Астана)