Парижде өткен Ролан Гаррос–2024 турнирінің ерлер арасындағы финалында испаниялық Карлос Алькарас пен италиялық Янник Синнер тартысты бәсеке көрсетті. Турнир тарихындағы ең ұзаққа созылған финалда Алькарас жеңіске жетіп, титулды иеленді, деп хабарлайды SportM.kz.
Бес сағат 29 минутқа жалғасқан марафон-матчта Алькарас камбэк жасап, Синнерді 4:6, 6:7 (4:7), 6:4, 7:6 (7:3), 7:6 (10:2) есебімен жеңді.
Бұл финал тек ұзақтығымен ғана емес, эмоциялық және техникалық деңгейімен де ерекше есте қалды. Алькарас осылайша Синнердің «Үлкен дулыға» турнирлеріндегі 20 ойындық жеңіс сериясына тосқауыл қойды.
Жеңіс арқылы Карлос Алькарас өзінің үшінші Grand Slam титулын жеңіп алып, Ролан Гаррос тарихында есімі алтын әріппен жазылды.
