Қытайда бокстан халықаралық турнир басталды. Бұл жарыстың ерекшелігі – оған әлемдік деңгейдегі мықты құрамалар, атап айтқанда Куба, Өзбекстан және Қытай толық құраммен қатысып отыр.
Қазақстан сапынан 10 былғары қолғап шебері шаршы алаңға шығады. Оның төртеуі – жастар арасынан іріктелген спортшылар. Бұл – алдағы Азия чемпионаты алдында тәжірибе жинауға арналған маңызды бәсеке.
Жастар құрамасынан сынға түсетіндер:
- 57 кг: Жасұрбек Анарбаев
- 63,5 кг: Сералы Жолмағамбет
- 71 кг: Нұржан Амангелді
- 80 кг: Бақберген Әлиасқаров
Ересектер арасында жарысқа қатысатындар:
- Бекзат Алдамжаров
- Асылжан Серікбай
- Жандос Қыдырәлиев
- Ильяр Аширов
- Нұрмағамбет Юсупов
- Даниял Сапарбай
Турнирдің жеребе тарту рәсімі кеше өтті. Бүгіннен бастап негізгі жекпе-жектер басталды. Жарыс 17 шілдеге дейін жалғасады.
