Астанада өтіп жатқан бокстан Әлем кубогы кезеңінде Қазақстанның тәжірибелі спортшысы, үш дүркін әлем чемпионы Назым Қызайбай жартылай финалға шықты.
48 келіге дейінгі салмақтағы ширек финалдық жекпе-жекте Қызайбай өзбекстандық Фарзона Фозиловамен жұдырықтасып, төрешілердің шешімімен жеңіске жетті.
Енді отандасымыз турнирдің финалына шығу үшін келесі қарсыласымен шаршы алаңда күш сынасады.
Айта кетейік, бұған дейін Надежда Рябец те (75 келі) жартылай финалға жолдама алған болатын.
