Қазақстандық каратэші Софья Берульцева Каирде (Мысыр) өтіп жатқан әлем чемпионатында күміс медаль иеленді.
68 келіден жоғары салмақта финалға шыққан Берульцева шешуші кездесуде Германия өкілі Йоханна Кнермен белдесті. Тартысты өткен финалда қарсыласы басым түсіп, Софья жарысты күміс жүлдемен аяқтады.
Бұдан бөлек, Қазақстан құрамасының тағы екі мүшесі – Дидар Әмірәлі (67 кг дейін) мен Әсел Қанай (61 кг дейін) – қола медаль жеңіп алды.
