Джиу-джитсудан Қазақстан құрамасының спортшысы Мариан Журавлева Эр-Риядта (Сауд Арабиясы) өтіп жатқан Ислам ынтымақтастығы ойындарында алтын медаль иеленді.
Қазақстандық спортшы 70 келіге дейінгі салмақ дәрежесінде өнер көрсетіп, барлық қарсыласын айқын басымдықпен жеңді.
Бұл санатта жекпе-жектер айналмалы жүйе бойынша өтті. Журавлева үш кездесу өткізіп, үшеуінде де жеңіске жетті. Ол:
-
марокколық Ясмин Арбибті,
-
палестиналық Дания Убайдты,
-
ирандық Хасти Хаммудиді
жеңіп, чемпион атанды.
Қазақстан құрамасының қоржыны тағы бір алтынмен толықты.
