Евгений Кошкин конькимен жүгіруден Әлем кубогы кезеңінде күміс медаль жеңіп алды

Конькимен жүгіруден Қазақстан құрамасының мүшесі Евгений Кошкин АҚШ-тың Солт-Лейк-Сити қаласында өткен Әлем кубогының кезеңінде жүлдегер атанды.

Спортшы 500 метрлік қашықтықта 33.67 секунд нәтижесімен күміс медаль иеленіп, жеке рекордын жаңартты.

Бұл қашықтықта нидерландтық Йеннинг Де Бу 33.63 көрсеткішімен бірінші орынды иеленді. Ал үшінші орын Оңтүстік Корея спортшысы Юн Хо Кимге бұйырды — 33.78.