17 жастағы қазақстандық теннисші Заңғар Нұрланұлы АҚШ-тың Нью-Йорк қаласында өтіп жатқан жасөспірімдер арасындағы US Open турнирінің ширек финалына шықты.
Ол үшінші кезеңде ITF Juniors рейтингінде әлемде 8-орында тұрған финляндиялық Оскари Палданиусты жеңді. Айта кетейік, финляндиялық спортшы ATP рейтингінде 991-сатыда орналасқан.
Матч барысында Заңғар алғашқы сетте 3:6 есебімен ұтылғанымен, кейінгі екі сетте айқын басымдық танытты — 6:1 және 6:2.
Ширек финалда қазақстандық теннисші ресейлік Тимофей Дерепаскомен күш сынасады.
