Спорт Министрі | Рыбакина барлық «Үлкен дулыға» турнирінде қазақстандықтар арасында үздік нәтижеге қол жеткізді
ТЕННИСТРЕНДТЕ

Рыбакина барлық «Үлкен дулыға» турнирінде қазақстандықтар арасында үздік нәтижеге қол жеткізді

Қазақстандық теннисші, әлемнің 10-ракеткасы Елена Рыбакина барлық төрт «Үлкен дулыға» турнирінің төртінші айналымына өткен алғашқы спортшымыз ретінде тарихта қалды.

АҚШ ашық чемпионатында ол алғаш рет төртінші айналымға жолдама алды. Осылайша Елена маусымдағы басты жарыстардың барлығында үздік нәтижеге қол жеткізген қазақстандықтар арасындағы тұңғыш теннисші атанды.

Бұған дейін Рыбакина 2022 жылы Уимблдон турнирінің чемпионы атанса, 2023 жылы Аустралия ашық біріншілігінің финалында ойнаған. Сонымен қатар Ролан Гаррос додасында 2021 және 2024 жылдары ширек финалға дейін жетті.

АҚШ ашық чемпионатының ширек финалына шығу үшін ол чехиялық Маркета Вондроушовамен кездеседі. Чехиялық теннисші — 2023 жылғы Уимблдон чемпионы және қазіргі рейтингте 60-орында. Ол үшінші айналымда әлемнің 8-ракеткасы, италиялық Жасмин Паолиниді 7:6 (7:4), 6:1 есебімен жеңген болатын.

Басқа жаңалықтар

Back to top button