Алматылық «Қайрат» футбол клубының Чемпиондар лигасындағы сәтті өнер көрсетуінің арқасында Қазақстан УЕФА елдік рейтингінде бірден бес орынға көтерілді.
Енді Қазақстан 34-орынға жайғасты. Бұл көрсеткіш бойынша ел Армения, Латвия, Финляндия, Косово және Босния және Герцеговинаны басып озды.
Еске сала кетейік, «Қайрат» Еурокубок жолындағы жаңа маусымын Словенияның «Олимпия» клубын қос матч қорытындысы бойынша 3:1 есебімен жеңуден бастаған еді. Кейін финдік КуПС командасын 3:2 есебімен ұтса, Словакияның «Слованымен» 1:1 есебімен тең түсіп, пенальти сериясында 4:3 нәтижесімен келесі кезеңге шықты. Ал плей-офф кезеңінде шотландиялық атақты «Селтикті» жарыстан шығарып тастады (0:0, пенальти — 3:2).
