Қазақстандық теннисші Анна Данилина сербиялық әріптесі Александра Круничпен бірге АҚШ-тың Кливленд қаласында өткен WTA 250 турнирінде жұптық сында жеңіске жетті.
Финалдық кездесуде Данилина/Крунич дуэті Қытайлық Тайбэй мен Қытайдан келген теннисшілер — Хао Чин Чань мен Синью Янь жұбын 7:6 (7:3), 6:4 есебімен ұтты.
Бұл Анна Данилина үшін WTA турнирлеріндегі жұптық сындағы 14-ші титул.
