23 және 24 тамыз күндері Қазақстан Премьер-лигасының 22-тур аясында алты матч өтеді. Бұл турдың ең басты ойыны – елордадағы «Жеңіс» пен «Астана» арасындағы дерби.
23 тамыз
«Тобыл» (Қостанай) – «Тұран» (Түркістан)
Басталуы: 18:00
Өтетін орны: «Орталық» стадионы (Қостанай)
Жеке кездесулер тарихы:
Ойындар: 8
«Тобылдың» жеңісі: 7
«Тұранның» жеңісі: 0
Тең ойындар: 1
Бұл турдың шымылдығын Қостанайда «Тобыл» мен «Тұран» ашады. Аталмыш ойындағы нәтиже екі команда үшін де айрықша маңызды. Қостанайлықтар жеңіске жетсе, уақытша болса да турнир кестесінің көшін бастайды.
Ал «Тұран» үшін әр ұпай – өміршең мәнге ие, себебі олар чемпионатта қалу үшін күресіп жатыр. «Тобыл» осыған дейінгі сегіз кездесуде түркістандықтарға жол бермеген.
Оның үстіне өз алаңында үш рет ойнап, қарсыласының қақпасына 10 гол соғып, бірде-бір гол өткізбеген.
«Елімай» (Семей) – «Қызылжар» (Петропавл)
Басталуы: 18:00
Өтетін орны: «Спартак» стадионы (Семей)
Жеке кездесулер тарихы:
Ойындар: 5
«Елімайдың» жеңісі: 2
«Қызылжардың» жеңісі: 0
Тең ойындар: 3
Андрей Карпович шәкірттері соңғы кездері қайта бабына келді. екі бірдей орталық матчта үш ұпай алды. Өткен турда «Қайратты» 3:2 есебімен жеңді, ал оған дейін «Ақтөбеден» басым түскен болатын (2:1). Ал «Қызылжар» соңғы бес ойында бар болғаны екі ұпай ғана еншілеп, турнир кестесінің төменгі жағында қалып қойды. Бұған қоса, солтүстікқазақстандықтар Семейге келген екі сапарында да жеңілген.
Дегенмен биыл Қазақстан кубогында «Елімай» дәл осы «Қызылжарға» есе жіберіп, жарыс жолынан шығып қалған.
Турдың басты ойыны
«Жеңіс» (Астана) – «Астана» (Астана)
Басталуы: 19:00
Өтетін орны: «Астана Арена» (Астана)
Жеке кездесулер тарихы:
Ойындар: 6
«Жеңістің» жеңісі: 0
«Астананың» жеңісі: 4
Тең ойындар: 2
Қазіргі таңда Қазақстан Премьер-лигасында шынайы дерби саналатын бір ғана кездесу бар – ол елордадағы «Жеңіс» пен «Астана» арасындағы бәсеке. «Астана» бұған дейінгі алты ойында төрт рет жеңіске жетіп, бірде-бір рет жеңілмеген. Дегенмен, «Жеңіс» биылғы Кубоктың ширек финалында дәл осы қарсыласын жарыстан шығарған еді. Сонымен бірге, «Жеңістің» чемпионаттағы 10 ойыннан бергі жеңіссіз сериясы дербиде үзілетін-үзілмейтіні қызықты мәселе болып тұр.
«Қайсар» (Қызылорда) – «Атырау» (Атырау)
Басталуы: 19:00
Өтетін орны: Ғани Мұратбаев атындағы стадион (Қызылорда)
Жеке кездесулер тарихы:
Ойындар: 48
«Қайсардың» жеңісі: 14
«Атыраудың» жеңісі: 19
Тең ойындар: 15
«Қайсар» турнир кестесінде «Атыраудан» жеті ұпайға алда тұр. Дегенмен, қызылордалықтардың бір ойыны кейінге шегерілген. Ол «Астанамен» өтетін сырт алаңдағы кездесу. Бұл ойын 28 тамызға белгіленді. Сондықтан «Қайсардың» артықшылығы шартты түрде ғана. «Атырау» соңғы төрт ойында жеңіліс көрмей, жақсы нәтиже көрсетіп жүр. Статистика бойынша да «Атыраудың» басымдығы бар.
Енді бұл жолы жаңа тартыстың куәсі боламыз.
24 тамыз
«Ұлытау» (Жезқазған) – «Ордабасы» (Шымкент)
Басталуы: 17:00
Өтетін орны: «Металлург» стадионы (Жезқазған)
Жеке кездесулер тарихы:
Ойындар: 1
«Ұлытаудың» жеңісі: 1
«Ордабасының» жеңісі: 0
Тең ойындар: 0
«Ұлытау» соңғы сегіз ойында жеңіске жете алмай, турнир кестесінің төменгі бөлігінде қалып қойды. Өткен турда олар «Астанадан» 0:4 есебімен ойсырай жеңілді.
Ал «Ордабасының» да жағдайы мәз деп айтуға келмес. Андрей Мартин шәкірттері бес матчтың тек біреуін ғана жеңді. Комана турнир кестесінің дәл ортасында келе жатыр.
Биылғы маусымда екі команда Шымкентте жолыққан. Сол кезде күтпеген жерден «Ұлытаудың» үш ұпай алғаны бар. Осы жолы Жезқазғанда «Ұлытау» тағы жеңіске жете ме? Әлде қарсылас есе қайтара ма ол жағы да қызықты болғалы тұр.
«Ақтөбе» (Ақтөбе) – «Жетісу» (Талдықорған)
Басталуы: 20:00
Өтетін орны: Қобыланды батыр атындағы стадион (Ақтөбе)
Жеке кездесулер тарихы:
Ойындар: 53
«Ақтөбенің» жеңісі: 24
«Жетісудың» жеңісі: 13
Тең ойындар: 16
«Ақтөбе» жақында бас бапкерін ауыстырды. Команда тізгінін болгар маманы Николай Костов ұстады. Оның басшылығымен команда «Оқжетпестен» өз алаңында ұтылып жатып, камбэк жасады. Осыған дейін гол соқпаған Артур Шушеначев дубль авторы атанды.
Ал «Жетісу» өз алаңында чемпионаттағы аутсайдер саналатын «Атыраумен» тең ойнады (0:0). Ақтөбеліктер фаворит саналғанымен, бірінші айналымда «Жетісу» дәл осы қарсыласын 2:1 есебімен ұтқанын естен шығармау қажет.
Ескерту: «Оқжетпес» – «Қайрат» матчы 31 тамызға шегерілді. Себебі алматылық клуб Чемпиондар лигасының плей-офф кезеңінде ойнап жатыр.
