Таиландтың Бангкок қаласында өтіп жатқан бокстан U22 Азия чемпионатында Қазақстан ерлер құрамасы екінші алтын медалін иеленді.
80 келіге дейінгі салмақта сынға түскен Санжарәлі Бегалиев финалда өзбекстандық Рахматулло Бойматовты төрешілердің шешімімен ұтып, чемпион атанды.
Сондай-ақ, финалда өнер көрсеткен қазақстандықтар:
- Илья Калинин (65 кг дейін) – күміс жүлде
- Нұрбек Мұрсал (70 кг дейін) – күміс жүлде
Бұл нәтиже Қазақстан құрамасының Бангкоктағы додасында жеткен ірі жетістіктерінің бірі болды.
