Бангкок қаласында өтіп жатқан жасөспірімдер мен жастар арасындағы Азия чемпионатының екінші жарыс күні қазақстандық спортшылар үшін сәтсіз басталды. Бүгін 22 жасқа дейінгі қыздар мен жігіттер шаршы алаңға шықты.
Қыздар арасындағы кездесулерде 51 келіде Томирис Мырзақұл Оңтүстік Корея өкіліне жол берсе, 57 келідегі Виктория Байдукова өзбекстандық қарсыласынан жеңілді. Екі спортшы да жарысты ерте аяқтады.
Жігіттер арасынан 50 келідегі Нұрзат Оңғаров индонезиялық боксшыдан жеңіліп қалды. Ал 55 келідегі Бексұлтан Боранбек өзбекстандық Самандар Олимовпен өткен кездесуде ұтылып, жарыс жолынан шығып қалды. Бұл салмақтарда медаль үміті жойылды.
Алайда, күні кешке көңіл қуантқан жаңалықтар да болды. 60 келіде өнер көрсеткен Нұрислам Қалдыбаев кореялық қарсыласын, 65 келідегі Илья Калинин үндістандық спортшыны жеңіп, ширек финалға жолдама алды.
Осылайша, екінші күннің қорытындысы бойынша Қазақстан құрамасының 6 боксшысы жарыстан шығып қалды. Қалған спортшылар келесі кезеңге өтті. Чемпионат жалғасуда.
