Астанада өтіп жатқан ересектер арасындағы теннистен Қазақстан чемпионатында финалистер анықталды.
Ерлер арасында 17 жастағы Әмір Омарханов жартылай финалда Ислам Орынбасарды 6:2, 4:6, 6:3 есебімен жеңіп, өз мансабында алғаш рет ересектер арасындағы Қазақстан чемпионатының финалына шықты. Оның қарсыласы өткен жылғы чемпион Григорий Ломакин болмақ. Ломакин жартылай финалда Тимур Мәуленовті 7:6 (7:5), 7:6 (7:2) есебімен ұтты.
Әйелдер арасында Жібек Құламбаева 18 жастағы Іңкәр Дүйсебайды 6:1, 6:3 есебімен жеңіп, финалға өтті. Екінші финалист – Аружан Сағындықова, ол жартылай финалда Полина Слепцованы 6:3, 6:2 есебімен қапы қалдырды.
