Футболдан УЕФА Конференция лигасының екінші іріктеу кезеңіндегі алғашқы матчта елордалық «Астана» молдовалық «Зимбрумен» тең түсті. Кездесу «Астана Аренада» өтіп, жанкүйерлерге тартысты ойын сыйлады.
Алғашқы таймның қосымша уақытында қонақтар гол соғып, есеп ашты – Дахан 45+1 минутта мергендік танытты. Екінші таймда алаң иелері ойын тізгінін өз қолына алып, бірнеше шабуыл ұйымдастырды. Нәтижесінде 56-минутта Башич таразы басын теңестірді – 1:1.
Қалған уақытта екі команда да жеңісті жұлып алуға тырысқанымен, есеп өзгермеді.
Қарымта матч 31 шілдеде Кишиневте өтеді.
