Қазақстан құрамасының жартылай қорғаушысы Рамазан Оразов енді семейлік «Елімай» клубының намысын қорғайды. Бұл туралы команданың баспасөз қызметі ресми мәлімдеді.
— Ресми түрде хабарлаймыз: Рамазан Оразов Данияның «Силькеборг» клубынан еркін агент ретінде «Елімай» сапына ауысты. Мансабында Қазақстанның алдыңғы қатарлы клубтарында ойнаған футболшыны жанкүйерлер «қазақ Модричі» деп атап кеткен. Словения мен Дания чемпионаттарындағы тәжірибесі мол ойыншы туған еліне қайта оралды. Қош келдің, Рамазан! — делінген клуб мәлімдемесінде.
