Қазақстандық жас теннисші Әмір Омарханов Ұлыбританияда өтіп жатқан “Уимблдон” турнирінің жұптық сынында ширек финалға жолдама алды.
Омарханов турнирде ресейлік Егор Плешивцевпен тандем құрып өнер көрсетуде. 1/8 финалдық кездесуде олар жарыстың екінші нөмірлі жұбы – ресейлік Тимофей Дерепаско мен италиялық Джакопо Васамиді 6:3, 6:2 есебімен сенімді жеңді.
Келесі кезеңде Омарханов/Плешивцев жұбы жартылай финал жолдамасы үшін Оңтүстік Африка өкілі Коннор Доиг пен үндістандық Криш Туяги дуэтімен кортқа шығады.
Айта кетейік, бұл Әмір Омархановтың “Үлкен дулыға” турниріндегі ең ірі жетістіктерінің бірі.
