Астанада өтіп жатқан бокстан Әлем кубогында Қазақстан құрамасының жүлде қорын үш дүркін әлем чемпионы Назым Қызайбай ашты.
48 келіге дейінгі салмақта финалға шыққан Назым қарсыласы — үндістандық Минакшимен қолғап түйістірді. Тартысты өткен жекпе-жекте қазақстандық боксшы төрешілердің бірауыздан шығарған шешімімен жеңіске жетіп, еліміздің қоржынына алғашқы алтын медальді салды.
Бұл – Қазақстан құрамасының аталған турнирдегі алғашқы алтын жүлдесі.
