Париж Олимпиадасының күміс жүлдегері Нұрбек Оралбай Астанада өтіп жатқан бокстан Әлем кубогының финалына тікелей жолдама алды.
80 келіге дейінгі салмақта ел намысын қорғап жүрген отандасымыз жартылай финалда Түркия өкілі Мерт Айбугамен жұдырықтасуы тиіс болатын. Алайда, түркиялық боксшы жекпе-жекке шығудан бас тартты.
Нәтижесінде Нұрбек Оралбай ешқандай жекпе-жексіз-ақ жарыстың шешуші кезеңіне өтті. Финалда ол Франция боксшысымен алтын медаль үшін қолғап түйістіреді.
