Қазақстан ерлер құрамасының боксшысы Ертуған Зейнуллинов Астанада өтіп жатқан Әлем кубогының жартылай финалына жолдама алды.
65 келіге дейінгі салмақта ел намысын қорғап жүрген отандасымыз ширек финалда франциялық Уго Граумен жұдырықтасты. Қарсыласы алғашқы раундта басымдық танытқанымен, Ертуған екінші және үшінші раундтарда тактикалық және техникалық шеберлігін көрсетіп, жеңісті өз пайдасына шешті.
Осылайша, Ертуған Зейнуллинов кем дегенде қола медальді өз қоржынына салды.
