Қазақстандық боксшы Елдана Тәліпова Астанада өтіп жатқан бокстан Әлем кубогының кезеңінде финалға шықты.
80 келіден жоғары салмақ дәрежесінде өнер көрсететін спортшымыз жарысты бірден жартылай финалдан бастады. Бұл кезеңде ол Өзбекстан өкілі Олтиной Сотимбоевамен кездесіп, үш раундтың қорытындысы бойынша жеңіске жетті.
Осылайша, Елдана Тәліпова Қазақстан құрамасы сапынан алғаш болып Әлем кубогының финалына жолдама алды.
