Франция астанасы Парижде өтетін «Ролан Гаррос» турнирінде Қазақстанның үздік теннисшілері алғашқы матчтарын 26 мамыр күні өткізеді, деп хабарлайды SportM.kz.
Әйелдер арасында Қазақстанның бірінші, әлемнің 12-ракеткасы Елена Рыбакина бастапқыда швейцариялық Белинда Бенчичпен кездесуі керек еді. Алайда Бенчич жарақатына байланысты жарыстан бас тартты. Оның орнына аргентиналық, әлемдік рейтингтің 204-сатысында тұрған 22 жастағы Хулия Риера негізгі сеткаға қосылды.
Қазақстанның екінші ракеткасы, әлемнің 29-нөмірлі теннисшісі Юлия Путинцева іріктеу кезеңінен өткен тағы бір аргентиналық — 112-орындағы Солана Сьеррамен күш сынасады.
Ерлер арасында Қазақстанның көшбасшысы, әлемнің 51-ракеткасы Александр Бублик алғашқы айналымда аустралиялық Джеймс Даквортпен (ATP №92) кортқа шығады.
Барлық үш кездесу де 26 мамырға жоспарланған.
