Қазақстан әйелдер құрамасы Қырғызстанды жолдастық кездесуде жеңді

Футболдан Қазақстан әйелдер құрамасы Қырғызстанға қарсы алғашқы жолдастық кездесуінде 3:1 есебімен жеңіске жетті, деп хабарлайды SportM.kz.

Алматыда өтіп жатқан оқу-жаттығу жиыны аясында өткен ойында Карина Берікова хет-трик жасап, командасына жеңіс сыйлады. Қырғызстан құрамасы бір ғана голмен жауап қатты.

Бұл — 23 мамырда басталған жиын барысындағы алғашқы бақылау кездесуі. Екі құрама 28 мамыр күні тағы бір жолдастық матч өткізеді. Жаттығу процесі Алматыдағы «Қайрат» футбол клубының базасында өтіп жатыр.