Қазақстандық теннисші Сандуғаш Кенжебаева Қытайдың Мааньшань қаласында өткен ITF W15 турнирінде жұптық сында топ жарды, деп хабарлайды SportM.kz.
20 жастағы Кенжебаева ресейлік серіктесі Софья Лансеремен бірге турнирге 2-нөмірлі жұп ретінде тіркелген. Олар қатарынан төрт матчта жеңіске жетіп, финалға жолдама алды.
Шешуші кездесуде қазақстандық-ресейлік дуэт жарыстың басты фавориттері – қытайлық Меики Куо мен таиландтық Пеангтарн Плипуекке қарсы ойнады.
Алғашқы сетте Кенжебаева мен Лансере 6:3 есебімен басым түсті. Екінші сетте қарсыластары есепті теңестірді – 3:6. Алайда супер тай-брейкте Сандуғаш пен Софья жеңісті жұлып әкетті – 10:8.
Бұл Кенжебаева үшін маусымдағы ірі жетістіктердің бірі болды.
