Қоржынымызға тағы екі алтын түсті
Таиландтың Бангкок қаласында нысана көздеуден Азия Кубогы жалғасып жатыр.
Оған 23 мемлекеттен 320-ға жуық спортшы жиналды. Араларында қазақстандық қыз-жігіттер де бар. Жарыстың кезекті күні винтовкамен нысана көздеу бойынша командалық сындар өтіп, ұлттық құрама өкілдері жеңімпаз атанды. Ерлер арасындағы бәсекеде ел намысын Константин Малиновский, Никита Шахторин және Юрий Юрков үштігі қорғаған болатын. Артынша жоғарыдағы Юрий Юрков жекелей сында да өте сәтті өнер көрсетіп, тағы бір алтынды жеңіп алды.
Осылайша қазақстандық спортшылар Азия Кубогі аясында 20 мәрте жеңіс тұғырына көтерілді. Қоржынымызда қазір 8 алтын, 8 күміс және 4 қола бар. Осының арқасында жалпы командалық есепте сенімді түрде бірінші сатыға жайғастық және жарыс соңына дейін осы деңгейді сақтап қалу қажетпіз дейді мамандар. Бангкок қаласындағы құрлықтық дода 22-ші ақпанға дейін жалғасады.
