Дзюдодан Қазақстан жасөспірімдер құрамасы Еуропа кубогында үздік шықты

Түркияның Анталия қаласында өткен дзюдодан жасөспірімдер арасындағы Еуропа кубогында Қазақстан құрамасы табысты өнер көрсетті.

Екі күнге созылған жарыс қорытындысы бойынша қазақстандық дзюдошылар 6 алтын, 3 күміс және 7 қола медаль жеңіп алды. Осы нәтижемен Қазақстан құрамасы жалпыкомандалық есепте бірінші орынға ие болды.

Алтын медаль иегерлері: Бекарыс Құдайберген (-50 кг), Баубек Ахмет (-60 кг), Бекали Еркен (-73 кг), Әділжан Жаудинов (+90 кг), Фатима Сұпығалиева (-52 кг) және Інжу Жұмажан (-57 кг).

Күміс жүлдені Расулхан Ғабит (-60 кг), Еркеназ Сембек (-57 кг) және Тоғжан Төлеубай (+70 кг) иеленді.

Ал Әділжан Нұрбекен (-50 кг), Ерік Үсенов (-66 кг), Нұралы Мәулетхан (-73 кг), Шыңғыс Қонысбек (-90 кг), Ердәулет Жұмабай (+90 кг), Адия Жұмахмет (-40 кг) және Зере Талғатқызы (-48 кг) қола медальға қол жеткізді.

Айта кетейік, Анталиядағы жарысқа 21 елден 550 жас дзюдошы қатысып, жүлделерді сарапқа салды.