Қазақстан Премьер-лигасының жаңа маусымы басталып, бірінші тур аясында бірнеше кездесу өтті.
Көкшетауда өткен ойында «Оқжетпес» пен «Елімай» командалары тең тарқасты — 1:1. Семейлік клуб сапынан 16-минутта Илья Свиридов есеп ашса, матчтың 74-минутында Владимир Стойкович өз қақпасына гол соғып, алаң иелері таразы басын теңестірді.
Алматының «Қайрат» «Алтайды» 1:0 есебімен жеңді. Кездесудегі жалғыз голды 64-минутта Жоржиньо соқты.
Турдың ең нәтижелі ойыны Ақтөбе матчында өтті. «Ақтөбе» «Тобылды» 4:1 есебімен ұтты. Ақтөбелік команда сапынан Д. Соса, А. Зелькович, Т. Досмагамбетов және И. Ордец гол соқты. Қостанайлықтардан жалғыз голды Ж. Жұмашев енгізді.
Тағы бір кездесуде «Ордабасы» мен «Ертіс» командалары 2:2 есебімен тең ойнады. Павлодарлық клуб сапынан Михаил Федин мен Павел Седко мергендік танытса, шымкенттіктерден Эвертон және Е. Астанов (пенальти) гол соқты.
Осылайша Қазақстан Премьер-лигасының жаңа маусымы тартысты нәтижелермен басталды.
