Қазақстанда стенд атудан Әлем кубогының кезеңі өтеді. Беделді халықаралық жарыс Алматы облысында орналасқан Александр Асанов атындағы ату клубында ұйымдастырылады.
Турнирге әлемнің 70 елінен 500-ден астам спортшы қатысады деп жоспарланып отыр.
Жарыс бағдарламасына «трап» және «скит» жаттығулары, сондай-ақ аралас командалар арасындағы сайыстар кіреді. Барлығы сегіз медаль жиынтығы сарапқа салынады.
Әлем кубогының кезеңі 2–11 мамыр аралығында өтеді.
