Қазақстандық теннисші, 21 жастағы Аружан Сағындықова Ахмедабад қаласында (Үндістан) өтіп жатқан ITF W15 санатындағы турнирдің жұптық сынында финалға шықты.
Жарыста екінші нөмірмен тіркелген қазақстандық спортшы ресейлік Мария Головинамен бірге жартылай финалда үндістандық Иенси Дипакай Канабар мен Ангел Пател жұбына қарсы ойнады.
Кездесу барысында Сағындықова мен Головина айқын басымдық танытты. Алғашқы сет 6:4 есебімен аяқталса, екінші партияда қазақстандық-ресейлік дуэт қарқынын үдете түсіп, 6:1 нәтижесін тіркеді.
Осылайша, Аружан Сағындықова ITF W15 турнирінің финалына жолдама алып, чемпиондық атақ үшін күресуге мүмкіндік алды. Финалдағы қарсыластары кейінірек белгілі болады.
