Қазақстандық спортшы Бейбарыс Қаблан Найробиде (Кения) өтіп жатқан таеквондодан жастар арасындағы әлем чемпионатында алтын медаль жеңіп алды.
Бейбарыс 87 келіден жоғары салмақта ел намысын қорғады. Финалда ол Оңтүстік Корея өкілі Ян Чжунёнға қарсы сенімді түрде басым түсті.
Бұл жеңіс Қазақстан жастар құрамасының биылғы әлем чемпионатындағы алғашқы медалі болды.
