Боксшы Ұлжан Сәрсенбек Әлем кубогының ақтық кезеңінде қола медаль жеңіп алды

Қазақстандық спортшы Дели (Үндістан) қаласында өтіп жатқан додада 57 келіге дейінгі салмақта өнер көрсетті.

Жартылай финалда Ұлжан үндістандық Жасминге қарсы жекпе-жек өткізді. Тартысты кездесу барысында жерлесіміз бар күшін салғанымен, жеңіс қарсыласына бұйырды.

Осылайша, Ұлжан Сәрсенбек Әлем кубогын қола жүлдемен қорытындылады.