14 жастағы қазақстандық теннисші Аңсар Ниетқалиев жасөспірімдер арасында қатарынан үш ITF Juniors турнирінде топ жарды.
Алдымен ол Түркияның Бурса қаласында өткен J30 санатындағы жарыстың финалында жергілікті спортшы Берке Окумусты 6:2, 6:0 есебімен жеңді.
Келесі аптада Адана қаласында өткен турнирде жұптық сында отандасы Хақназар Жеткербаймен бірге түркиялық Гюлер/Кония жұбын финалда 6:7 (5:7), 6:3, 10:8 есебімен ұтты.
Үшінші жеңісіне Аңсар Алматыда жаңадан ашылған «Алатау» теннис орталығында өткен J60 Almaty Open турнирінде қол жеткізді. Финалда ол тағы бір қазақстандық теннисші Олжас Есеналыны 6:2, 6:2 есебімен тізе бүктірді.
