Қазақстанның бірінші ракеткасы Елена Рыбакина Қытайдың Нинбо қаласында өткен WTA 500 санатындағы турнирде топ жарды.
Финалда қазақстандық теннисші ресейлік Екатерина Александровамен кездесті. Қарсыласы алғашқы сетте жеңіске жеткенімен, Рыбакина екінші және үшінші сеттерде өз ойынын тапты — 3:6, 6:0, 6:2.
Осылайша, Елена Рыбакина 2025 жылғы маусымдағы кезекті титулын жеңіп алып, әлемдік рейтингтегі ұпай қорын нығайтты.
Бұл жеңіс оның Қытай корттарындағы сәтті сериясын жалғастырды.
