Теннистен Алматы қаласында өткен ATP 250 сериялы турнир аяқталды.
Жекелей сында чемпиондық атақ үшін ресейлік Даниил Медведев пен франциялық Корентен Муте күш сынасты. Тартысты өткен финалдық кездесу 2 сағат 36 минутқа созылды. Үш сет қорытындысы бойынша Медведев қарсыласын 7:5, 4:6, 6:3 есебімен жеңіп, турнирдің жеңімпазы атанды.
Жұптық сында франциялық Тео Аррибаж пен Альбано Оливетти үздік шықты. Олар финалда германиялық Якоб Шнайттер мен Марк Вальнерді 6:4, 7:6 (10:8) есебімен ұтып, жарысты жеңіспен қорытындылады.
