Иранның Энзели қаласында өткен халықаралық бадминтон турнирінде Қазақстан құрамасы табысты өнер көрсетіп, жалпы саны төрт медальға қол жеткізді. Оның екеуі — алтын.
Ерлер арасындағы жекелей сында Дмитрий Панарин қарсыластарын қапы қалдырып, чемпион атанды. Сондай-ақ ол Наргиза Рахметуллаевамен бірге аралас жұптық сайыста да бірінші орынға ие болды.
Қазақстан қоржынына түскен қос қола жүлдені аралас жұптық бәсекеде Хайтмұрат Құлматов/Диана Наменова және Жәңгір Ибраев/Алиса Кулешова дуэттері әкелді.
