Қазақстан жастар құрамасы волейболдан әлем чемпионатын 14-орынмен аяқтады

Қытайдың Цзянмэнь қаласында өткен 21 жасқа дейінгі волейболшылар арасындағы ХХІІІ әлем чемпионатында Қазақстан жастар құрамасы өз тарихында алғаш рет бақ сынап, лайықты нәтиже көрсетті

Жерлестеріміз турнирдің 13-орынға талас ойынында Мысыр құрамасына қарсы алаңға шықты. Матч аса тартысты өткенмен, қазақстандықтар жеңіске жете алмады. Есеп 0-3

Бұл – Қазақстан жастар құрамасының волейболдан әлем чемпионатындағы алғашқы тәжірибесі. Жаттықтырушы Сергей Трикоз шәкірттері мықты қарсыластармен кездесіп, лайықты деңгейде өнер көрсетті.

Жалпы нәтиже бойынша Қазақстан құрамасы 14-орынға тұрақтады.