Спорт Министрі | Иван Ромазан мемориалы: «Барыс» «Металлург» командасына есе жіберді
ХОККЕЙ

Иван Ромазан мемориалы: «Барыс» «Металлург» командасына есе жіберді

Елордалық «Барыс» шайбалы хоккейден маусым алдындағы дәстүрлі Иван Ромазан мемориалындағы үшінші ойынын Ресейдің «Металлург» (Магнитогорск) командасына қарсы өткізді.

Кездесу барысында алғашқы шайбаны 26-минутта «Металлург» сапынан Роман Канцеров соқты. Араға сегіз минут салып, 34-минутта «Барыс» хоккейшісі Аңсар Шайхмедденов есепті теңестірді.

Алайда 52-минутта ресейлік команда ойыншысы Дмитрий Силантьев өз командасына жеңіс шайбасын соғып кетті. Нәтижесінде матч 2:1 есебімен «Металлургтің» пайдасына аяқталды.

Естеріңізге сала кетейік, бұған дейін «Барыс» Уфаның «Салават Юлаев» командасын 4:3 есебімен жеңіп, алғашқы жеңісіне қол жеткізген болатын. Ал алғашқы турда елордалық ұжым «Магниткадан» да 1:2 есебімен жеңілген еді.

Басқа жаңалықтар

Back to top button