Қазақстан ҰОК қызметкерлері спортты дамытуға қосқан үлесі үшін марапатталды

Қазақстан Ұлттық Олимпиадалық комитетінің кеңсесінде спорт пен олимпиадалық қозғалысты дамытуға қосқан елеулі үлесі үшін ҰОК қызметкерлерін салтанатты марапаттау рәсімі өтті.

Марапаттарды Қазақстан Республикасы Туризм және спорт вице-министрі Серік Жарасбаев табыстады.

«Дене шынықтыру және спортты дамытуға сіңірген еңбегі үшін» медалімен марапатталғандар:

— Бас хатшы Әлімжан Ақаев;

— Бас директор Нұрлан Нөгербек;

— Бас есепші Бұлбұл Түлекова;

— Халықаралық қатынастар департаментінің директоры Анар Сыздықова;

— Құқықтық қамтамасыз ету қызметінің бас менеджері Мақсат Нұрғалиев.

«Құрметті спорт қызметкері» төсбелгісімен марапатталған:

— Спорт департаментінің директоры Бектұр Қиятбай.

Вице-министрдің атап өтуінше, Қазақстан ҰОК спорт саласын дамытуда маңызды рөл атқарып, елдің олимпиадалық деңгейдегі имиджін нығайтып келеді.