Қазақстан құрамасы әртістік жүзуден финалға шықты

Сингапурда өтіп жатқан су спорты түрлерінен әлем чемпионатында Қазақстан құрамасы топтық акробатикалық бағдарламаның финалына жолдама алды.

Іріктеу кезеңінде ұлттық команда 190.1238 ұпай жинап, 11-орынмен ақтық сынға өтті.

Қазақстан сапында өнер көрсеткендер: Наргиза Болатова, Виктор Друзин, Ксения Макарова, Арина Мясникова, Жаклин Якимова, Әйгерім Құрманғалиева, Анна Павлецева және Жания Жиенғазы.

Финалдық сайыс 25 шілдеде өтеді.