Германияның Рейн-Рур қаласында өтіп жатқан Дүниежүзілік жазғы Универсиадада Қазақстан құрамасы алғашқы алтын медальға қол жеткізді.
Таэквондодан 67 келі салмақта сынға түскен Самирхон Абабакиров финалда түркиялық Омер Фарук Дайыоглуды 2:0 есебімен сенімді жеңіп, чемпион атанды. Екі раундта да қазақстандық спортшы айқын басымдық танытты.
Бұл – қазақстандық студенттер арасынан алғашқы алтын жүлде. Бұған дейін ұлттық құрама өкілдері 6 рет қола медаль иеленген еді. Қазіргі есеп бойынша Қазақстан 1 алтын және 6 қоламен жалпыкомандалық рейтингте 21-орынға көтерілді.
Жарыстың көшбасында АҚШ тұр, екінші орында Қытай, үшінші орында Оңтүстік Корея. Универсиада 27 шілдеге дейін жалғасады, сондықтан медаль қоржынымыздың толығуына мүмкіндік әлі бар.
