Таеквондо: Қазақстан құрамасы командалық Әлем кубогында жартылай финалға жете алмады

Оңтүстік Кореяның Чхунчхон қаласында өтіп жатқан командалық Әлем кубогында Қазақстан құрамасы медаль үшін күресті тоқтатуға мәжбүр болды.

9 шілдеде өткен аралас командалық сайыста ұлттық құрама ширек финалға дейін жетіп, Өзбекстан командасына 1:2 есебімен есе жіберді.

Қазақстан сапында Мерген Ғаниев, Абдурахман Марипов, Камила Аймукашева және Аида Таукенова өнер көрсетті.

Айта кетейік, бұған дейін ерлер құрамасы осы жарыста қола медаль жеңіп алған болатын.