Қазақстандық файтер Жалғас Жұмағұлов (17-9) Германияның Гамбург қаласында өткен OKTAGON 73 турнирінде титулды жекпе-жекте жеңіске жетті.
Жалғас ең жеңіл салмақта грузиялық Бено Адамиямен (12-8-2) титул үшін айқасты. Айта кетейік, Адамия бұл кездесудің алдында салмақ өлшеу рәсімінен өте алмай, айқасқа ескерту — сары карточкамен шықты.
Бес раундқа созылған тартысты жекпе-жекте төрешілердің шешімімен жеңіс Жұмағұловқа берілді.
Бұл жекпе-жекке дейін Бено Адамия қатарынан алты жеңіске жетіп келе жатқан болатын. Ал Жалғас Жұмағұлов осымен төртінші рет қатарынан қарсыласын тізе бүктіріп отыр.
