Қазақстан құрамасы садақ атудан Азия кубогының финалына шықты

Блоктық садақ атудан командалық сында ел намысын Андрей Тютюн, Ділмұхамед Мұса және Бунед Мирзаметов қорғауда.

Ширек финалда ұлттық құрама Филиппин командасынан 229:223 есебімен басым түсті.

Ал жартылай финалда мергендеріміз Малайзияны бір ұпай айырмашылығымен – 232:231 есебімен жеңіп, шешуші кезеңге жолдама алды.

Финалда Қазақстан құрамасы Үндістанмен кездеседі.