Қазақстан Премьер-лигасының 10-туры аяқталды. Соңғы ойын күнінде Талдықорғанда «Жетісу» өз алаңында көш басында тұрған «Ақтөбені» 2:1 есебімен жеңіп, маусымдағы алғашқы үш ұпайына қол жеткізді, деп хабарлайды SportM.kz.
Бұл нәтиже турдың басты сенсацияларының бірі болды.
Күннің тағы бір ойынында «Атырау» өз алаңында «Қайсарға» 1:2 есебімен жол берсе, Петропавлда «Қызылжар» мен «Елімай» 1:1 есебімен тең түсті.
Сырт алаңда өнер көрсеткен «Тобыл» Түркістанның «Тұранын» 2:0 есебімен жеңіп жатыр.
Еске салайық, 24 мамырда өткен ойындарда «Қайрат» өз алаңында «Оқжетпеске» 1:2 есебімен есе жіберсе, «Ордабасы» Жезқазғанның «Ұлытауынан» 0:1 есебімен ұтылды. Ал елордада «Астана» «Жеңісті» 4:2 есебімен тізе бүктірген еді.
10-турдан кейінгі үздік үштік:
-
«Ақтөбе» — 25 ұпай
-
«Астана» — 24 ұпай
-
«Қайрат» — 23 ұпай
