Әйелдер теннисі қауымдастығы (WTA) жаңартылған рейтинг нәтижелерін жариялады. Жапонияда өткен Куруме ITF W50 турнирінде топ жарған қазақстандық Зарина Дияс жекелей есепте 43 орынға бір-ақ көтерілді. Ол 318-орыннан 275-сатыға ауысты.
Екі жылдық үзілістен кейін тенниске оралған З.Дияс бұған дейін WTA рейтингінде 31-орынға дейін жеткен болатын.
Ал Қазақстанның бірінші ракеткасы Елена Рыбакина 12-орнын сақтап қалды. Юлия Путинцева 29-дан 32-ге сырғыса, Жібек Құламбаева 313-тен 337-орынға түсті.
