Қазақстанның бірінші ракеткасы, әлемдік рейтингте 76-орындағы Александр Бублик Италияның Турин қаласында өтіп жатқан турнирдің жартылай финалдық кезеңіне жолдама алды.
Ширек финалда ол әлемдік рейтингте 51-орындағы аргентиналық Томас Мартин Этчеверримен кездесіп, тартысты ойын көрсетті.
Бублик бірінші сетте 6:2 есебімен жеңіске жеткенімен, екінші сетте Этчеверри 6:3 есебімен есе қайтарды. Алайда шешуші үшінші сетте Бублик басымдылық танытып, 7:5 есебімен жеңіске жетті.
Екі сағаттан астам уақытқа созылған матчта Бублик 11 эйс жасап, 8 брейк-пойнттың төртеуін сәтті пайдаланды. Ал Этчеверри 9 эйс және 7 брейк-пойнттың үшеуін іске асырды.
Финалға шығу үшін Александр Бублик әлемдік рейтингте 71-орындағы германиялық Даниэль Альтмайермен кездеседі.
