Михаил Кукушкин Прагадағы турнирді жеңіспен бастады

Қазақстандық теннисші Михаил Кукушкин Чехия астанасы Прагада өтіп жатқан челленджер турнирінің екінші айналымына жолдама алды, деп хабарлайды Sportm.kz.

Әлемдік рейтингте 165-орында тұрған Кукушкин алғашқы кезеңде жергілікті теннисші, небәрі 17 жастағы Максим Мрвамен кездесіп, тартысты ойында 6:0, 5:7, 6:4 есебімен жеңіске жетті.

Матч ұзақтығы — 2 сағат 11 минут. Михаил 2 эйс жасап, 20 брейк-пойнттың 8-ін тиімді пайдаланды. Қарсыласы 2 эйс пен 5 брейкпен жауап қатты.

Кукушкин келесі кезеңде ширек финал жолдамасын сарапқа салу үшін әлемнің 210-ракеткасы, словакиялық Лукас Клейнмен кортқа шығады.